የሚኒስትሮች ምክር ቤት ደንብ ቁጥር ፳፪/፲፱፻፺ ዓ.ም. የፍትሕና የሕግ ሥርዓት ምርመር ኢንስቲትዩት ማቋቋሚያ የሚኒስትሮች ምክር ቤት ደንብ | GOALGOOLE | Because you need Information for your goals !
7023 Bole Kifle Ketema, Addis Ababa, Ethiopia
0116616179/85 mcc@ethionet.et

የሚኒስትሮች ምክር ቤት ደንብ ቁጥር ፳፪/፲፱፻፺ ዓ.ም. የፍትሕና የሕግ ሥርዓት ምርመር ኢንስቲትዩት ማቋቋሚያ የሚኒስትሮች ምክር ቤት ደንብ

የሚኒስትሮች ምክር ቤት ደንብ ቁጥር ፳፪/፲፱፻፺
የፍትሕና የሕግ ሥርዓት ምርምር ኢንስቲትዮትን
ለማቋቋም የወጣ የሚኒስትሮች ምክር ቤት ደንብ

የሚኒስትሮች ምክር ቤት የኢትዮጵያ ፌዴራላዊ ዲሞክራሲያዊ ሪፐብሊክ አስፈጻሚ አካላትን ሥልጣንና ተግባር ለመወሰን በወጣው አዋጅ ቁጥር ፬/፲፱፻፹፯ አንቀጽ ፭ መሠረት ይህን ደንብ አውጥቷል፡፡

፩. አጭር ርዕስ
ይህ ደንብ “የፍትሕና የሕግ ሥርዓት ምርምር ኢንስቲትዩት ማቋቋሚያ የሚኒስትሮች ምክር ቤት ደንብ ቁጥር ፳፪/፲፱፻፺” ተብሎ ሊጠቀስ ይችላል፡፡

፪. መቋቋም
፩. የፍትህና የሕግ ሥርዓት ምርምር ኢንስቲትዩት (ከዚህ በኋላ “ኢንስቲትዩቱ” እየተባለ የሚጠራ) የሕግ ሰውነት ያለው ራሱን የቻለ ተቋም ሆኖ በዚህ ደንብ ተቋቁሟል፡፡
፪. ኢንስቲትዩቱ ተጠሪነቱ ለጠቅላይ ሚኒስትሩ ይሆናል፡፡

፫. ዋና መሥሪያ ቤት
የኢንስቲትዩቱ በዋና መሥሪያ ቤት በአዲስ አበባ ሆኖ በማናቸውም ሥፍራ ቅርንጫፍ መሥሪያ ቤት ሊኖረው ይችላል፡፡

፬. ዓላማ
የኢንስቲትዩቱ ዓላማ የፍትህና የሕግ ሥርዓቱን ብቁና ዘናዊ ለማድረግ፡፡
፩. የሀገሪቱን ሕጎች
ሀ. ሕገ መንግሥቱን በተሟላ ሁኔታ ሥራ ላይ ለማዋል
ለ. የሕግን የበላይነት ለማረጋገጥ እና
ሐ. የኢኮኖሚና የማኅበራዊ ልማትን ለማፋጠን በሚያስችል መልክ ለማሻሻል እና
፪. የፍትሕ አካላትን አቅም ለመገንባትና ሥራቸውን ለማቀላጠፍ የሚረዱ ጥናትና ምርምሮችን ማካሄድ ይሆናል፡፡

፭. ሥልጣንና ተግባር
ኢንስቲትዩቱ የሚከተሉት ሥልጣንና ተግባሮች ይኖሩታል፣
፩. በሥራ ላይ ያሉ የሀገሪቱን ሕጎች በመገምገም የሕግ ማሻሻያ መርምር ፕግራሞችን መንደፍ፤
፪. በየዘርፉ ያሉ ነባር ሕጎችን ለማጠቃለል ከወቅቱ የዕድገት ደረጃ ጋር ለማጣጣምና ለአጠቃቀም ምቹ ሆነው እንዲሻሻሉ ለማድረግ የሚያስችል ጥናትና ምርምር ማካሄድ፤
፫. የሀገሪቱን የሕግ ሥርዓት የተሟላ ለደድረግ የሚያስችሉ አዳዲስ ሕጎችን ለማውጣት የሚረዱ ጥናትና ምርምሮችን ማካሄድ፤
፬. የፍትሕ አከላት ሥራዎችን ለማቀላጠፍ የሚረዱ ጥናቶችን ማካሄድ፤
፭. ሕግ ነክ መረጃዎችንና የጥናትና ምርምር ውጤቶቹን ማሳተምና ማሰራጨት፤
፮. የፍትሕና አካላት ሥርዓቱን በማሻሻል ረገድ የፌዴራልና የክልል አካላትን መርዳት፤
፯. ከሚመለከታቸው አካላት ጋር በመተባበር የሕግ ትመህርትና ሥልጠናን ለማጠናከር የሚያስችሉ ጥናቶችን ማካሄድና ለተግባራዊነታቸውም አስፈላጊውን እገዛ ማድረግ፤
፰. ዓላማውን ለማሳካት የሚረዱ ሌሎች ተግባሮችን ማከናወን፡፡

፯. የኢንስቲትዮቱ አቋም
ኢንስቲትዩቱ፣
፩. አንድ ቦርድ፣
፪. አንድ ዲሬክተር እና
፫. አስፈላጊው ሠራተኞች ይኖሩተል፡፡

፯. የቦርድ አባላት
ቦርዱ ሰብሳቢውን ጨምሮ ከ፭ የማያንሱ ከ፱ የማይበልጡ በመንግሥት የሚሰየሙ አባላት ይኖሩታል፡፡

፰. የቦርዱ ሥልጣንና ተግባር
ቦርዱ የሚከተሉት ሥልጣንና ተግባሮች ይኖሩታል፤
፩. የኢንስቲትዮቱን ሥራዎች በበላይነት ይመራል፣ ይቆጣጠራል፣
፪. የኢንስቲትዩቱን ዲሬክተር ለመንግሥት አቅርቦ ያሾማል፣
፫. የኢንስቲትዩቱን የሥራ ፕሮግራሞችና በጀት ገምግሞ ለመንግሥት ያቀርባል ሲፈቀዱም ተግባራዊነታቸውን ይከታተላል፤
፬. በኢንስቲትዮቱ ተጠንተው የሢቀርቡ የፍትህና የሕግ ሥርዓት ማሻሻያ ሀሳቦችን ገምግሞ ለመንግሥት ያቀርባል፣
፭. የኢንስቲትዩቱን መዋቅርና የውስጥ ደንቦች ያፀድቃል፣
፮. ለዲሬክተሩ ተጠሪ የሆኑ የሥራ ኃላፊዎችን ምደባና ስንብት ያፀድቃል፣
፯. በኢንስቲትዩቱ ዲሬክተር በሚቀርቡ ሌሎች የፖሊሲ ጉዳዮች ላይ መክሮ ይወስናል፣
፰. የኢንስቲትዩቱን የሥራ አፈጻጸም ሪፖርት ገምግሞ ያፀድቃል፡፡

፱. የቦርዱ ስብሰባ
፩. ቦርዱ በወር አንድ ጊዜ መደበኛ ስብሰባውን ያደርጋል፡፡ አንዳስፈላጊነቱም አስቸኳይ ስብሰባ በማናቸውም ጊዜ ሊያደርግ ይችላል፡፡
፪. በቦርዱ ስብሰባ ላይ አብኞቹአባላት ከተገኙ ምልዓተ ጉባዔ ይሆናል፡፡
፫. የቦርዱ ውሳኔ የሚተላለፈው በስብሰባው በተገኙ አባላት በአብዛኛው ድምጽ ሲደገፍ ነው፤ ሆኖም ድምጽ እኩል በእኩል የተከፈለ እንደሆነ ሰብሳቢው ወሳኝ ድምጽ ይኖረዋል፡፡
፬. የዚህ አንቀጽ ድንጋጌዎች እንደተጠበቁ ሆኖ ቦርዱ የራሱን የስብሰባ ሥነ ሥርዓት ደንብ ሊያወጣ ይችላል፡፡

፲. ስለ ዲሬክተሩ ሥልጣንና ተግባር
፩. የኢንስቲትዩቱ ዲሬክተር የኢንስቲትዩቱ ዋና ሥራ አስፈጻሚ ሆኖ ከቦርዱ በሚሰጠው አጠቃላይ መመሪያ መሠረት የኢንስቲትዩቱን ሥራዎች ይመራል፣ ያስተዳድራል፡፡
፪. በዚህ አንቀጽ ንዑስ አንቀጽ (፩) የተመለከተው አጠቃላይ አነጋገር እንደተጠበቀ ሆኖ ዲሬክተሩ፣
ሀ. በዚህ አንብ አንቀጽ ፭ የተመለከቱትን የኢንስቲትዩቱን ሥልጣንና ተግባሮች በሥራ ላይ ያውላል፣
ለ.  ቦርዱ በሚያፀድቀው የውስጥ ደንብ መሠረት የኢንስቲትዩቱን ሠራተኞች ይቀጥራል፣ ያስተዳድራል፣
ሐ. የኢንስቲትዩቱን ፕሮግራሞችና በጀት አዘጋጅቶ ለቦርዱ ያቅርባል፣ ሲፈቀድም በሥራ ላይ ያውላል፣
መ. ለኢንስቲትዩቱ በተፈቀደለት በጀትና የሥራ ፕሮግራም መሠረት ገንዘብ ወጪ ያደርጋል፣
ሠ. ከሦስተኛ ወገኖች ጋር በሢደረጉ ግንኙቶች ሁሉ ኢንስቲትዩቱን ይወክላል፣
ረ. የኢንስቲትዩቱን የሥራ አፈጻጸምና የሂሳብ ሪፖርት አዘጋጅቶ ለቦርዱ ያቀርባሉ፡፡
፫. ዲሬክተሩ ለኢንስቲትዩቱ የሥራ ቅልጥፍና ባስፈለገ መጠን ከሥልጣንና ተግባሩ በከፊል ለኢንስቲቲዩቱ ሠራተኞች በውክልና ሊያስተላለፍ ይችላል፣ ሆኖም ዲሬክተሩ በማይኖር ጊዜ እርሱን ተክቶ የሚሠራው ሰው ከ፴ ቀናት በላይ የሢሠራ ከሆነ ውክልናው አስቀድሞ ለቦርዱ ቀርቦ መፈቀድ አለበት፡፡

፲፩. በጀት
፩. የኢንስቲትዩቱ በጀት ከሚከተሉት ምንጮች የተውጣጣ ይሆናል፤
ሀ. በመንግሠት ከሚመደብለት በጀት፣
ለ. ከሕትመቶች ሽያጭ የሚያገኘው ገቢ፣
ሐ. ከሚያገኘው ማናቸውም ስጦታና እርዳታ፣
መ. ከማናቸውም ሌላ ምንጭ፡፡
፪. በዚህ አንቀጽ ንዑስ አንቀጽ (፩) /ለ/፤ /ሐ/ እና /መ/ የተመለከተው ገንዘብ በኢንስቲትዩቱ ስም በሚከፈት የባንክ ሂሳብ ተቀማጭ ሆኖ የኢንስቲትዩቱን ዓላማዎች ለማስፈጸም ወጪ ይሆናል፡፡

፲፪. የሂሳብ መዛግብት
፩. ኢንስቲትዩቱ የተሟሉና ትክክለኛ የሆኑ የሂሳብ መዛግብት ይይዛል፡፡
፪. የኢንስቲትዩቱ የሂሳብ መዛግብትና ገንዘብ ነክ ሰነዶች በዋናው ኦዲተር ወይም እርሱ በሚሰይመው ኦዲተር በየዓመቱ የመረመራሉ፡፡

፲፫. ደንቡ የሚጸናበት ጊዜ
ይህ ደንብ በፌዴራል ነጋሪት ጋዜጣ ታትሞ ከወጣበት ቀን ጀምሮ የጸና ይሆናል፡፡

አዲስ አበባ ኅዳር ፲፮ ቀን ፲፱፻፺ ዓ.ም.
መለስ ዜናዊ
የኢትዮጵያ ፌዴራላዊ ዲሞክራሲያዊ
ሪፐብሊክ ጠቅላይ ሚኒስትር